السلام عليكم ورحمة الله
عدت من جديد لهذا المنتدى الرائع بعد انقطاع 8سنوات ..كنتم سببا بعد توفيق الله في نجاح سفرتنا في ذلك الوقت..والان عدت احمل بعض الاستفسارات استعدادا لسفره اخرى باذن الله مطلع شهر ابريل...
اكثر شي يحيرني الميزانيه..لان السفره الاولى كانت مع اهلي وكنا5 اشخاص..اما الحين شخصين بس انا وزوجي
هل 550 رنقت يوميا تكفي للمواصلات والترفيه والاكل؟؟؟يعني مصروف لكامل اليوم من غير حساب سعر الفندق طبعا..
ثاني استفسار...ناوين باذن الله نطلع من المطار للصن واي لاقون ونجلس فيها يومين وبعدها نبغى نروح بينانج مباشره
بباص ايرولاين..متى لازم نحجز للباص ومن وين وبكم التذكره؟؟
ثالث استفسار..ممكن في بينانج وكوالا نلقى سواق ياخذ اجرته باليوم مو بالساعه وهل بتكون في حدود120الى150 رنقت او اكثر؟؟
بغيناه باليوم لان تعرفون اكث المشاوير بننزل لها وناخذ اقل شي ساعتين وممكن اكثر فمانبغى تحسب علينا ساعات زياده؟؟ واتمنى اللي يعرف ارقام سواقين يتكلمون عربي يعطيني الارقام ويذكر لي باي مدينه موجود..
خطتي اني اوفر في المواصلات وشووي في الفنادق واخلي الفلوس للترفيه والتسوق
رابع استفسار...لو اشتريت من هناك فواكه بالكرتون اقدر اشحنها معي في الرجعه او انه ممنوع؟
سؤالي الاخير...في سفرتي الاولى كان النقاب منتشر بكثره هناك والسعوديين ماشاءالله متواجدين بكل مكان وهذا الشي كان يحسسني بالامان..سؤالي هل النقاب مازال مالوف ومنتشر بكل مكان زي اول او ان المحجبات اكثر من المنقبات
والله يعطيكم العافيه ومشكورين مقدما..
from منتديات المسافرون العرب الاصلي
0 التعليقات:
إرسال تعليق